ಮುಖ ಪುಟ > Cultural Studies, Culture, Dharma, invitation, Lecture, Research Centre > ಸ್ಮೃತಿ-ವಿಸ್ಮೃತಿ : ಒಂದು ಸಂವಾದ

ಸ್ಮೃತಿ-ವಿಸ್ಮೃತಿ : ಒಂದು ಸಂವಾದ

ಪ್ರೋ. ಬಾಲಗಂಗಾಧರ ಅವರ The Heathen in his Blindness…Asia the West and the Dynamic of Religion ಗ್ರಂಥದ ಅನುವಾದ ‘ಸ್ಮೃತಿ-ವಿಸ್ಮೃತಿ: ಹಾಗೂ ನಮ್ಮ ಸಂಸ್ಕೃತಿ’ ಎಂಬ ಕೃತಿಯನ್ನು ಆಧರಿಸಿದ ಭಾರತೀಯ ಸಮಾಜ ವಿಜ್ಞಾನಗಳ ನಿರ್ವಸಾಹತೀಕರಣ ಸಂವಾದ ಮಂಗಳೂರಿನಲ್ಲಿ ಮಹೇಶ್ ಪದವಿಪೂರ್ವ ಕಾಲೇಜು ಮಂಗಳೂರು ಮತ್ತು ಸ್ಥಳೀಯ ಸಂಸ್ಕೃತಿಗಳ ಅಧ್ಯಯನ ಕೇಂದ್ರದ ಸಂಯುಕ್ತ ಆಶ್ರಯದಲ್ಲಿ ಮಂಗಳೂರಿನ ಬಲ್ಮಠದ ಸಹೋದಯ ಸಭಾಂಗಣದಲ್ಲಿ  09-01-2011ನೆ ರವಿವಾರದಂದು ನಡೆಯಿತು.

“ಸ್ಮೃತಿ-ವಿಸ್ಮೃತಿ :ಒಂದು ಸಂವಾದ”

ಪ್ರೋ, ಬಾಲಗಂಗಾಧರ ಮಾತನಾಡುತ್ತ, ಕಳೆದ ನಾಲ್ಕುನೂರು ವರ್ಷಗಳಲ್ಲಿ  ಯುರೋಪಿನಲ್ಲಿ ನಡೆದಂತಹ ಪ್ರಯೋಗಗಳು ಭಾರತದಲ್ಲಿ ಕಳೆದ ಅರುವತ್ತು ವರ್ಷಗಳಲ್ಲಿ ನಡೆದಿವೆ. ಅಂದರೆ ಸಮಾಜವಾದ, ಸೆಕ್ಯುಲರ್ವಾದ, ರಾಷ್ಥ್ರೀಯವಾದ, ಮಹಿಳಾವಾದ, ವಸಾಹತೋತ್ತರ ವಾದ, ಅಧುನಿಕೋತ್ತರವಾದ ಮುಂತಾದ ಪ್ರಯೋಗಗಳು ನಡೆದಿವೆ. ಈ ಎಲ್ಲಾ ಪ್ರಯೋಗಗಳು, ಅಲ್ಲಿ-ಇಲ್ಲಿ ಒಂದಷ್ಟು ಪ್ರಮಾಣದ ಯಶಸ್ಸನ್ನು ಪಡೆದಿದ್ದನ್ನು ಹೊರತುಪಡಿಸಿ, ಉಳಿದಂತೆ ಹೇಳಿಕೊಳ್ಳುವಂತಹ ಯಶಸ್ಸು ಪಡೆದಿಲ್ಲ ಎನ್ನುವುದು ಒಂದೆಡೆದಯಾದರೆ ಮತ್ತೊಂದೆಡೆ ಈ ಪ್ರಯೋಗಗಳೇ ಇವು ಯಾವ ಸಮಸ್ಯೆಗಳಿಗೆ ಪರಿಹಾರವೆಂದು ನಡೆದೆವೋ ಆ ಸಮಸ್ಯೆಗಳನ್ನೂ ಇನ್ನೂ ಹೆಚ್ಚು ಮಾಡಿ ಜೊತೆಗೆ ಮತ್ತಷ್ಟು ಹೊಸ ಸಮಸ್ಯೆಗಳನ್ನು ಭಾರತದಲ್ಲಿ ಹುಟ್ಟುಹಾಕಿವೆ. ಅಂದರೆ ದಲಿತರ ಶೋಷಣೆ ಇನ್ನೂ ಹೆಚ್ಚಾಗಿದೆ, ಪ್ರಜಾಪ್ರಭುತ್ವ ಅಸಮರ್ಥವಾಗಿದೆ, ಜಾತೀಯತೆ ಹೆಚ್ಚಾಗಿದೆ, ನೌಕರಶಾಹಿ ಭ್ರಷ್ಟವಾಗಿದೆ, ಸಮತಾವಾದವೂ ವಿಫಲವಾಗಿದೆ ಎಂಬ ಭಾವನೆ ಬರುತ್ತದೆ. ಮತ್ತೊಂದೆಡೆ, ಯೂರೋಪಿಯನ್ ಸಂಸ್ಕೃತಿ ಕಳೆದ ನಾಲ್ಕು ನೂರು ವರ್ಷಗಳಿಂéದ ಮಾನವಕುಲಕ್ಕೆ ಹಲವಾರು ಕೊಡುಗೆಗಳನ್ನು ಕೊಟ್ಟಿದೆ. ಅಂದರೆ, ವಿಜ್ಞಾನ, ಕೈಗಾರಿಕೀಕರಣ, ಶಿಕ್ಷಣ, ಕೋರ್ಟ, ಸಂಸದೀಯ ಮಾದರಿ ಪ್ರಜಾಪ್ರಭುತ್ವ, ಇತ್ಯಾಧಿ ಕೋಡುಗೆಗಳನ್ನು ನೀಡುತ್ತಿದ್ದರೆ ಮತ್ತೊಂದೆಡೆ ಭಾರತ ಸಂಸ್ಕೃತಿ ಕಳೆದ ಮೂರುಸಾವಿರ ವರ್ಷಗಳಂದ ಅನ್ಯಾಯ ಅಸಮಾನತೆ ಶೋಷಣೆ ಗಳನ್ನು ಎತ್ತಿ ಹಿಡಿದಿಕೊಂಡು ಅವುಗಳನ್ನು ಪಾಲಿಸುತ್ತಾ ಬಂದಿರುವುದಲ್ಲದೆ ಇನ್ಯಾವುದೇ ರೀತಿಯ ಕೊಡುಗೆಗಳನ್ನು ಮಾನವ ಜನಾಂಗಕ್ಕೆ ಕೊಟ್ಟಿಲ್ಲ ಎಂಬ ಭಾವನೆಯೂ ಬರುತ್ತದೆ.

ಈ ಭಾವನೆ ಸತ್ಯೆವೆನ್ನಬೇಕಾದರೆ ಪಶ್ಚಿಮ ಸಂಸ್ಕೃತಿಯವರೆಲ್ಲರೂ ಅಸಮಾನ್ಯ ಬುದ್ದಿವಂತರಿರಬೇಕು; ಭಾರತೀಯರೆಲ್ಲರೂ ದಡ್ಡರೂ ಮೂರ್ಖರೂ ಆಗಿರಬೇಕು. ಯೋಚಿಸಲು ಬರುವ ಯಾರಿಗೇ ಆದರೂ ಇದು ವಾಸ್ತವವೆನಿಸುವುದಿಲ್ಲ. ಹಾಗಾದರೆ ಈ ರೀತಿಯ ಚಿತ್ರಣ ಹೇಗೆ ಸಮಾಜವಿಜ್ಞಾನ ಮತ್ತು ಸಾಮಾನ್ಯ ಜ್ಞಾನದಲ್ಲಿ ಸಹಜವೆಂಬಂತೆ ಚಾಲ್ತಿಯಲ್ಲಿದೆ?  ಇದಕ್ಕೆ ಉತ್ತರ ನೀಡುವುದಾದರೆ: ಪಾಶ್ಚಾತ್ಯ ಕ್ರಿಶ್ಚಿಯನ್ ಮಿಷನರಿಗಳು ಮತ್ತು ಪ್ರವಾಸಿಗರು ತಮ್ಮ ಅನುಭದಿಂದ ಇಲ್ಲಿ ಏನನ್ನು ಕಂಡು ವಿವರಿಸಿದರೋ ಅದೇ ಇದುವರೆಗಿನ ಸಮಾಜವಿಜ್ಞಾನದ ಚಿತ್ರಣಗಳಾಗಿ ಮುಂದುವರಿಕೆಯಾಗುತ್ತಿದೆ. ಅಂದರೆ ಪಶ್ಚಿಮ ಸಂಸ್ಕೃತಿಯಲ್ಲಿ ತಮಗೆ ಚಿರಪರಿಚಿತ ವಿದ್ಯಮಾನಗಳ ಮತ್ತೊಂದು ರೂಪವಾಗಿ ಇಲ್ಲಿಯ ಸಾಮಾಜಿಕ ವಿದ್ಯಾಮಾನಗಳನ್ನು ವಿವರಿಸಿದ್ದರಿಂದ ಅದು ಅವರ, ಅಂದರೆ ಪಾಶ್ಚಿಮಾತ್ಯರ, ಸಮಾಜದ ಚಿತ್ರಣವಾಗುವುದೇ ವಿನಃ ಅವರು ಯಾವ ಸಮಾಜದ ಕುರಿತು ಮಾತನಾಡುತ್ತಿದ್ದಾರೋ ಆ ಸಮಾಜದ ಚಿತ್ರಣವಾಗುವುದಿಲ್ಲ. ಆದರೆ ಆಧುನಿಕ ಶಿಕ್ಷಣ ಪದ್ದತಿಗೆ ಈ ಯೂರೋಪಿಯನ್ ಚಿತ್ರಣಗಳೇ ಆಧಾರವಾಗಿ ಮುಂದುವರಿಯುತ್ತಿದೆ. ಹಾಗಾಗಿ ಇಂದು ಸಮಾಜ ವಿಜ್ಞಾನ ಏನನ್ನು ಹೇಳುತ್ತಿದೆಯೋ ಅದು ಕಳೆದ ಐನೂರು ವರ್ಷಗಳ ಪಶ್ಚಿಮ ಸಂಸ್ಕೃತಿಯ ಅನುಭವವೇ ಹೊರತು ಭಾರತೀಯ ಸಮಾಜದ ವಾಸ್ತವ ಚಿತ್ರಣವಲ್ಲ. ಆದರೆ ಇದನ್ನೇ ವಾಸ್ತವ ಚಿತ್ರಣವೆಂಬಂತೆ ಭಾವಿಸುವ ಇಂದಿನ ಸಮಾಜ ವಿಜ್ಞಾನ ಅವರ ಅನುಭವದ ಪ್ರತಿರೂಪದಂತಹ ಪರಿಹಾರವೇ ಇಲ್ಲಿಯ ಸಮಸ್ಯೆಗಳನ್ನು ಪರಿಹರಿಸುತ್ತವೆ ಎಂಬ ತಿರ್ಮಾನದಲ್ಲಿ ಅವರ ಪರಿಹಾರಗಳನ್ನು ಇಲ್ಲಿಯ ಸಮಸ್ಯೆಗಳಿಗೆ ಪರಿಹಾರವೆಂಬಂತೆ ನೀಡುತ್ತಿದ್ದಾರೆ, ಉದಾ: ಭಾರತದ ಸಮುದಾಯಗಳ ಕೆಲವು ರೀತಿ ಸಂಘರ್ಷಗಳನ್ನು ರಿಲಿಜಿಯಸ್ ಸಂಘರ್ಷಗಳೆಂದುಕೊಂಡು ಅದಕ್ಕೆ ಸೆಕ್ಯುಲರಿಸಂ ಪರಿಹಾರವೆಂಬಂತೆ ನೀಡಲಾಗುತ್ತಿದೆ. ಆದರೆ ಸೆಕ್ಯುಲರಿಸಂ ಈ ಸಮಸ್ಯೆಯನ್ನು ಇನ್ನೂ ಹೆಚ್ಚು ಮಾಡುತ್ತಿದೆಯೇ ವಿನಃ ಪರಿಹರಿಸುತ್ತಿಲ್ಲ. ಹಾಗಾಗಿ ಇಂದಿನ ನಮ್ಮ ಸಮಾಜ ವಿಜ್ಞಾನಗಳು ನಮ್ಮ ಸಾಮಾಜಿಕ ಸಮಸ್ಯೆಗಳನ್ನು ಪರಿಹಾರಿಸುತ್ತಿಲ್ಲ ಬದಲಿಗೆ ಹೆಚ್ಚಿಸುತ್ತಿವೆ ಎಂಬ ವಾದವನ್ನು ಬಾಲಗಂಗಾಧರರು ಇಟ್ಟರು.

ಪ್ರೋ. ಬಾಲು

ರಾಜಶೇಖರ್, ಡಾ. ಪಟ್ಟಾಭಿರಾಮ ಸೋಮಯಾಜಿ, ಡಾ. ಪರಿಣಿತ, ಡಾ. ಶಿವರಾಮಕೃಷ್ಣನ್, ಡಾ. ರಾಜರಾಮ ತೋಳ್ಪಾಡಿ, ಡಾ. ಬಿ. ಸುರೇಂದ್ರ ರಾವ್ ಪ್ರತಿಕ್ರಿಯಿಸಿದರು ಮತ್ತು ಇವರ ಪ್ರಶ್ನೆಗಳಿಗೆ ಬಾಲು ಪ್ರತಿಕ್ರಿಯಿಸಿದರು. ಡಾ. ವಿಲ್ಲಿ ಡಿಸಿಲ್ವರವರು ಆಧ್ಯಕ್ಷ ನುಡಿಗಳನ್ನಾಡಿದರು.

ಡಾ. ನಿತ್ಯಾನಂದ ಶೆಟ್ಟಿ (ಪ್ರಾಂಶುಪಾಲರು,ಮಹೇಶ್ ಪದವಿಪೂರ್ವ ಕಾಲೇಜು ಮಂಗಳೂರು) ಸ್ವಾಗತಿಸಿದರು

ಡಾ. ಷಣ್ಮುಕ. ಎ, (ಉಪ ನಿದೇಶಕರು, ಸ್ಥಳೀಯ ಸಂಸ್ಕೃತಿಗಳ ಅಧ್ಯಯನ ಕೇಂದ್ರ) ಸಂವಾದದ ಸ್ವರೂಪದ ಹಾಗು ಅತಿಥಿಗಳ ಪರಿಚಯ ಮಾಡಿದರು.

ಡಾ. ವಿಲ್ಲಿ ಡಿ’ಸಿಲ್ವ

ಡಾ. ವಿಲ್ಲಿ ಡಿ’ಸಿಲ್ವ

 

 

 

 

ಡಾ. ರಾಜಾರಾಮ ಹೆಗಡೆ (ನಿದೇಶಕರು, ಸ್ಥಳೀಯ ಸಂಸ್ಕೃತಿಗಳ ಅಧ್ಯಯನ ಕೇಂದ್ರ)  ಆಗಮಿಸಿದ ಅಥಿತಿಗಳಿಗೆ ಮತ್ತು ಸಭಿಕರಿಗೆ ಧನ್ಯವಾದ ಸರ್ಮಪಿಸಿದರು

Advertisements
  1. ಜನವರಿ 15, 2011 ರಲ್ಲಿ 10:12 ಫೂರ್ವಾಹ್ನ

    ಈಗಿನ ಮಾಧ್ಯಮಲೋಕ ಇಂಥ ವಿಷಯಗಳಿಗೆ ಅಗತ್ಯವೆನಿಸುವಷ್ಟು ಪ್ರಚಾರ ನೀಡದೇ, ತಮ್ಮ ಆದಾಯ ಹೆಚ್ಚಿಸುವ ಪಾಶ್ಚಾತ್ಯ ಧರ್ಮ, ಸಂಸ್ಕೃತಿಗಳ ಪ್ರಚಾರಕ್ಕೇ ಪ್ರಾಧಾನ್ಯ ನೀಡುತ್ತಿರುವುದರಿಂದ ಇಂದಿನ ಯುವ ಜನಾಂಗ ತಮ್ಮನ್ನು ತಾವೇ ಅರಿತುಕೊಳ್ಳುವಲ್ಲಿ ವಂಚಿತವಾಗಿದೆ.
    ಯುವ ಜನಾಂಗವನ್ನು ಈ ನಿಟ್ಟಿನಲ್ಲಿ ಎಚ್ಚರಿಸಿ, ಅರಿವು ಮೂಡೀಸುವ ಮಹತ್ಕಾರ್ಯದಲ್ಲಿ, ಮಾಧ್ಯಮಲೋಕದವರು ಸಾಕಷ್ಟು ಸಹಕಾರ ನೀಡಬೇಕಾಗಿದೆ. ಅದೂ ಅಲ್ಲದೆ, ವಿದ್ಯಾಲಯಗಳ ಪಠ್ಯಕ್ರಮಗಳಲ್ಲಿ ಭಾರತೀಯ ಸಂಸ್ಕೃತಿಯ ಬಗ್ಗೆ ಕಡ್ಡಾಯವಾಗಿ ಸಾಕಷ್ಟು ಇಂಥ ವಿಷಯಗಳನ್ನು ಸೇರ್ಪಡಿಸುವತ್ತ ಕ್ರಮ ಕೈಗೊಳ್ಳಬೇಕಾಗಿದೆ ಎಂದು ನನ್ನ ಅನಿಸಿಕೆ.

    Like

  2. praveen
    ಜನವರಿ 18, 2011 ರಲ್ಲಿ 11:09 ಫೂರ್ವಾಹ್ನ

    ಆತ್ಮೀಯ ಸುರೇಶ್,
    >>ಯುವ ಜನಾಂಗವನ್ನು ಈ ನಿಟ್ಟಿನಲ್ಲಿ ಎಚ್ಚರಿಸಿ, ಅರಿವು ಮೂಡೀಸುವ ಮಹತ್ಕಾರ್ಯದಲ್ಲಿ, ಮಾಧ್ಯಮಲೋಕದವರು ಸಾಕಷ್ಟು ಸಹಕಾರ ನೀಡಬೇಕಾಗಿದೆ. ಅದೂ ಅಲ್ಲದೆ, ವಿದ್ಯಾಲಯಗಳ ಪಠ್ಯಕ್ರಮಗಳಲ್ಲಿ ಭಾರತೀಯ ಸಂಸ್ಕೃತಿಯ ಬಗ್ಗೆ ಕಡ್ಡಾಯವಾಗಿ ಸಾಕಷ್ಟು ಇಂಥ ವಿಷಯಗಳನ್ನು ಸೇರ್ಪಡಿಸುವತ್ತ ಕ್ರಮ ಕೈಗೊಳ್ಳಬೇಕಾಗಿದೆ ಎಂದು ನನ್ನ ಅನಿಸಿಕೆ.

    ನಿಮ್ಮ ಮಾತು ನೂರಕ್ಕೆ ನೂರರಷ್ಟು ಸತ್ಯ. ಮೊದಲನೆಯದಾಗಿ, ನಮ್ಮ ವಿ. ವಿ ಗಳ ಪಠ್ಯಕ್ರಮದಲ್ಲಿ ಶೀಘ್ರವೇ ಬದಲಾವಣೆ ತರಬೇಕಾದ ತುರ್ತು ಇದೆ ಎಂಬುದಂತೂ ನಿಜ. ಈ ಹಿಂದೆಯೂ ಸುಮಾರು ಜನ ಬುದ್ಧಿಜೀವಿಗಳು ನಮ್ಮ “ಸಮಾಜ ವಿಜ್ಞಾನಗಳನ್ನು ನಿರ್ವಸಾಹತೀಕರಣ” ಮಾಡಬೇಕೆಂದು ಹೇಳುತ್ತಾ ಬಂದಿದ್ದಾರೆ. ಆದರೆ ಅವರಿಗೆ ಯಾವ ರೀತಿಯಾಗಿ ಆ ಕಾರ್ಯವನ್ನು ಮಾಡಬೇಕೆಂಬುದರ ಸ್ಪಷ್ಟತೆ ಇಲ್ಲದಿರುವುದು ಗೊತ್ತಾಗುತ್ತದೆ. ಒಂದಂತು ನಿಜ ನಿರ್ವಸಾಹತಿಕರಣಕ್ಕೂ ಮೊದಲು ನಮ್ಮ ಸಂಸ್ಕೃತಿಯ ಕುರಿತು ಕೆಲವು ಸಂಶೋಧನೆಗಳಾಗಬೇಕಾದ ಅವಶ್ಯಕತೆ ಇದೆ. ಈ ನಿಟ್ಟಿನಲ್ಲಿ ನಮ್ಮ ಸಂಶೋಧನಾ ಕೇಂದ್ರವು ಕೆಲವು ಹೆಜ್ಜೆಗಳನ್ನಿಡುತ್ತಿದೆ. ನಮ್ಮೊಂದಿಗೆ ಬೇರೆ ಬೇರೆ ವಿ. ವಿ.ಯ ಸಂಶೋಧಕರು ಕೈ ಜೋಡಿಸುವಂತಾದರೆ ಇನ್ನೂ ಉತ್ತಮ.
    ಎರಡನೆಯದಾಗಿ, ಮಾಧ್ಯಮ ಲೋಕದ ಪಾತ್ರ ಕುರಿತು ಹೇಳುವುದಾದರೆ, ಇತ್ತೀಚೆಗೆ ಬಹುತೇಕ ಪತ್ರಿಕೆಗಳು ತಮ್ಮದೇ ಆದ ತಪ್ಪು ಐಡಿಯಾಲಜಿಗಳನ್ನಿಟ್ಟುಕೊಂಡು ಸಾಗುತ್ತಿರುವುದು ಅಪಾಯಕಾರಿ ಬೆಳವಣಿಗೆ. ನಾವು ಸಂಶೋಧನೆಯಿಂದ/ಅಧ್ಯಯನದ ಆಧಾರದ ಮೇಲೆ ಬರೆದ ಲೇಖನಗಳನ್ನು ಪ್ರಕಟಿಸುವ ಬದಲು ಈಗಾಗಲೇ ಪ್ರಸಿದ್ಧರಾಗಿರುವವರು ಏನು ಬರೆದರೂ (ಅಂದರೆ ಲೇಖನಗಳಲ್ಲಿ ಯಾವುದೇ ನಿರ್ದಿಷ್ಟ ವಾದಗಳಿಲ್ಲದಿದ್ದರೂ) ಅದನ್ನು ಪ್ರಕಟಿಸುವುದಕ್ಕೆ ಉತ್ಸುಕರಾಗಿರುತ್ತಾರೆ. ಇಂತಹ ಪರಿಸ್ಥಿತಿಯಿಂದ ಪತ್ರಿಕೆಗಳು ಹೊರಬರಬೇಕಾದ ತುರ್ತು ಇದೆ ಎನಿಸುತ್ತದೆ.
    ಪ್ರೀತಿಯಿಂದ,
    ಪ್ರವೀಣ್

    Like

  1. No trackbacks yet.

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: