ಮುಖ ಪುಟ > Conference, Culture, Dharma, Hindu, Lecture, Religion, Research Centre > ಧರ್ಮ ಮತ್ತು ಎಥಿಕ್ಸ್ ಸಮ್ಮೇಳನ 22/23-01-2011. ಮೈಸೂರು.

ಧರ್ಮ ಮತ್ತು ಎಥಿಕ್ಸ್ ಸಮ್ಮೇಳನ 22/23-01-2011. ಮೈಸೂರು.

Dharma and Ethics Conference  V

(De-colonizing Social Sciences)

ಸ್ಥಳೀಯ ಸಂಸ್ಕೃತಿಗಳ ಅಧ್ಯಯನ ಕೇಂದ್ರ, ಕುವೆಂಪು ವಿ.ವಿ, ವಿವೇಕಾನಂದ ಅಧ್ಯಯನ ಸಂಸ್ಥೆ, ಮೈಸೂರು ಹಾಗೂ ಗೆಂಟ್ ವಿ.ವಿ, ಬೆಲ್ಜಿಯಂ ಇವುಗಳ ಸಹಯೋಗದೊಂದಿಗೆ ಏರ್ಪಸಲಾಗಿದ್ದ ಎರಡು ದಿನದ ಧರ್ಮ ಮತ್ತು ಎಥಿಕ್ಸ್ ಸಮ್ಮೇಳನವನ್ನು ಬೆಲ್ಜಿಯಂನ ಗೆಂಟ್ ವಿ.ವಿಯ ಪ್ರಾಧ್ಯಾಪಕರಾದ ಎಸ್. ಎನ್. ಬಾಲಗಂಗಾಧರ, ಡಾ. ಎಮ್.ಎಸ್. ನಾಗರಾಜ ರಾವ್, ನಿರ್ದೇಶಕರು, ವಿ.ಐ.ಐ.ಎಸ್., ಹಾಗೂ ಶ್ರೀ. ಮದನಗೋಪಾಲ್, ಐ.ಎ.ಎಸ್. ಪ್ರಧಾನ ಕಾರ್ಯದರ್ಶಿ, ಉನ್ನತ ಶಿಕ್ಷಣ ವಿಭಾಗ, ಕರ್ನಾಟಕ ಸರಕಾರ, ಡಾ.ಬಾಲಸುಬ್ರಮಣ್ಯಮ್, ಎಸ್.ವಿ.ವೈ.ಎಂ. ಮೈಸೂರು ಇವರುಗಳು ದೀಪ ಬೆಳಗಿಸುವ ಮೂಲಕ ಉದ್ಘಾಟಿಸಿದರು. ಪ್ರಾಸ್ತಾವಿಕವಾಗಿ ಮಾತನಾಡಿದ ಕುವೆಂಪು ವಿ.ವಿ.ಯ ಸ್ಥಳೀಯ ಸಂಸ್ಕೃತಿಗಳ ಅಧ್ಯಯನ ಕೇಂದ್ರದ ನಿರ್ದೇಶಕರಾದ ರಾಜಾರಾಮ್ ಹೆಗಡೆಯವರು ಈ ಸಮ್ಮೇಳನವು ಹಲವಾರು ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಸಮಸ್ಯೆಗಳನ್ನು ಚರ್ಚಿಸುತ್ತದೆ. ಇದು ಪ್ರತಿವರ್ಷವೂ ನಡೆಯುವ ಸಮ್ಮೇಳನವಾಗಿದ್ದು, ತಮ್ಮ ಕೇಂದ್ರವು ಇತರ ಸಂಘಟನೆಗಳೊಂದಿಗೆ ಆಯೋಜಿಸುತ್ತಿದೆ, ಐದನೆ ಧರ್ಮ ಮತ್ತು ಎಥಿಕ್ಸ್ ಸಮ್ಮೇಳನದಲ್ಲಿ “ಸಮಾಜವಿಜ್ಞಾನಗಳ ನಿರ್ವಸಾಹತೀಕರಣ”ದ ಕುರಿತು ಚರ್ಚೆ ನಡೆಯಲ್ಪಡುತ್ತದೆ ಎಂದು ಹೇಳಿದರು.

ಮದನ್ ಗೋಪಾಲ್ ರವರು ಸಮ್ಮೇಳನದ ಉದ್ಘಾಟನಾ ಭಾಷಣದಲ್ಲಿ ಮಾತನಾಡುತ್ತಾ ಇಂದು ಸಂಸ್ಕೃತಿಗಳ ತುಲನಾತ್ಮಕ ಅಧ್ಯಯನ ನಡೆಸಲು ಉತ್ತಮವಾದ ಪುಸ್ತಕಗಳು ದೊರಕುವುದಿಲ್ಲ. ವಸಾಹತುಶಾಹಿತ್ವ ಮುಗಿದು 65 ವರ್ಷಗಳಾದರೂ ಅದರಿಂದ ಹೊರಬರಲು ನಾವು ಇಟ್ಟಿರುವ ಹೆಜ್ಜೆಗಳನ್ನು ಗಮನಿಸಬೇಕು. ನಾವು ಸಮಾಜವಿಜ್ಞಾನಗಳ ನಿರ್ವಸಾಹತೀಕರಣದತ್ತ ಹೆಚ್ಚಿನ ಗಮನಹರಿಸಬೇಕು. ರಿಲಿಜಸ್ ಅಧ್ಯಯನಗಳಿಗೆ ಸಂಬಂಧಿಸಿದಂತೆ ಹೇಳುವುದಾದರೆ ಭಾರತದಲ್ಲಿರುವ ಧರ್ಮ ಎಂಬ ಪದವನ್ನು ಇಂಗ್ಲೀಷಿನ ಯಾವ ಪದದಲ್ಲಿಯೂ ಹೇಳಲು ಸಾಧ್ಯವಿಲ್ಲ. ಭಾರತದ ಸಂಪ್ರದಾಯಗಳು ಧರ್ಮವನ್ನು ವೈಯುಕ್ತಿಕವಾಗಿ ಹಾಗೂ ಸಾಮಾಜಿಕವಾಗಿ ಹಲವಾರು ರೀತಿಯಲ್ಲಿ ಅರ್ಥೈಸಿಕೊಂಡಿವೆ. ನಾವು ಗತವನ್ನು ವೈಭವೀಕರಿಸದೆ, ಅದನ್ನು ಶೈಕ್ಷಣಿಕ ವಿದ್ಯಾಬ್ಯಾಸದ ಶಿಸ್ತಾಗಿ ಅಧ್ಯಯನ ಮಾಡಿ ಅರ್ಥೈಸಿಕೊಳ್ಳಬೇಕು. ಇಂದಿನ ಈ ನಿಟ್ಟಿನಲ್ಲಿ ಪ್ರಸ್ತುತ ಸಮ್ಮೇಳದ ವಿಚಾರಗಳು ಚರ್ಚೆಯೊಂದಿಗೆ ಯಶಸ್ವಿಯಾಗಲಿ ಎಂದು ಆಶಿಸಿದರು.

ಡಾ.ಬಾಲಸುಬ್ರಮಣ್ಯಮ್, ಎಸ್.ವಿ.ವೈ.ಎಂ ಇವರು ಅಧ್ಯಕ್ಷಸ್ಥಾನದಿಂದ  ಮಾತನಾಡುತ್ತಾ  ಎಥಿಕ್ಸ್ ಎಂಬುದು ವೈಯುಕ್ತಿವಾದುದು ಆದರೆ ಸಾಮಾಜಿಕವಾಗಿ ಅದರ ಪಾತ್ರವೇನು ಎಂಬುದು ಅರ್ಥವಾಗುವುದಿಲ್ಲ. ಧರ್ಮ ಮತ್ತು ಎಥಿಕ್ಸ್ಎರಡೂ  ಇಲ್ಲದ ಇಂದಿನ ಸಾರ್ವಜನಿಕ ಜೀವನದ ಸಂಧರ್ಭದಲ್ಲಿ ಇದು ಈ ಬಗ್ಗೆ ಚರ್ಚೆ ನಡೆಯಬೇಕಿದೆ ಎಂದು ಹೇಳಿದರು. ಈ ಸಮ್ಮೇಳನ ಈ ನಿಟ್ಟಿನಲ್ಲಿ ಮುನ್ನಡೆಯುತ್ತದೆ ಮತ್ತು  ಈ ಕುರಿತ ನಿಖರವಾದ ಜ್ಞಾನವನ್ನು ಈ ವಿದ್ಯಾಲಯಗಳ ಗೋಡೆಯಾಚೆಗೆ ಇರುವ ಸಮಾಜದಲ್ಲಿರುವ ಜನಸಾಮಾನ್ಯರಿಗೂ ಅದನ್ನು ತಲುಪಿಸುತ್ತದೆ ಎಂಬ ಆಶಯ ನನ್ನದು ಎಂದರು.

ಕಾರ್ಯಕ್ರಮಕ್ಕೆ ಆಗಮಿಸಿದವರಿಗೆ ಡಾ.  ನಾಗರಾಜ ರಾವ್ ಸ್ವಾಗತಿಸಿದರೆ ಸಿಂಧೂ ಸುರೇಶ್ ಧನ್ಯವಾದವನ್ನು ಸಮರ್ಪಿಸಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಡಾ. ಬಾಲಸುಬ್ರಹ್ಮಣಮ್, ಎಸ್.ವಿ.ವೈ.ಎಂ. ಮೈಸೂರು, ವಹಿಸಿದ್ದರು

ಮೊದಲನೆಯ ಗೋಷ್ಠಿ.

ಬಾಲಗಂಗಾಧರ ಎಸ್.ಎನ್ (ಗೆಂಟ್ ವಿಶ್ವವಿದ್ಯಾನಿಲಯ, ಬೆಲ್ಜಿಯಂ) ವಸಾಹತುಶಾಹಿತ್ವದ ಪ್ರಭಾವ ಹಾಗೂ ಸಮಾಜವಿಜ್ಞಾನಗಳ ನಿರ್ವಸಾಹತೀಕರಣದ ಕುರಿತು ತಮ್ಮ ವಾದವನ್ನು ಮಂಡಿಸಿದರು. ಭಾರತವು ಕಳೆದ 65 ವರ್ಷಗಳಲ್ಲಿ ತನ್ನ ಸಮಾಜದ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಲು ಮಾಡಿರುವ ಅನೇಕ ಪ್ರಯೋಗಗಳು ಹಾಗೂ ಅವುಗಳ ವಿಫಲವಾಗುತ್ತಿರುವುದಕ್ಕೆ ನಮ್ಮ ಸಮಾಜವಿಜ್ಞಾನದಲ್ಲಿ ನಮ್ಮ ಕುರಿತು ಇರುವ ಚಿತ್ರಣವೇ ಇರಬಹುದು ಎಂಬುದಾಗಿ ಹೇಳಿದರು. ಆ ಪ್ರಯೋಗಗಳಲ್ಲಿ ಸೆಕ್ಯಲರಿಸಂ, ಪ್ರಜಾಪ್ರಭುತ್ವ, ಅರಾಜಕತ್ವ, ಉದಾರವಾದ, ದಲಿತ ಚಳುವಳಿ, ಮಾರ್ಕ್ಸಿಸಂ ಮುಂತಾದುವುಗಳು ಭಾರತದ ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ವಿಫಲವಾಗಿವೆ. ಮತ್ತೂ ಹೊಸ ಹೊಸ ಪ್ರಯೋಗಗಳನ್ನು ಮಾಡಲಾಗುತ್ತಿದೆ. ಆದರೆ ಈ ಪ್ರಯೋಗಗಳಿಂದ ಇರುವ ಸಮಸ್ಯೆಗಳು ಪರಿಹಾರವಾಗುವ ಬದಲು ಹೆಚ್ಚುವರಿ ಸಮಸ್ಯೆಗಳು ಸೇರಿಕೊಳ್ಳುತ್ತಿದೆ. ಹಾಗಿದ್ದ ಪಕ್ಷದಲ್ಲಿ ಈ ಪ್ರಯೋಗಗಳ ಮೂಲಾಧಾರವಾದ ಇಂದಿನ ಸಮಾಜವಿಜ್ಞಾನದ ಚಿತ್ರಣದಲ್ಲಿ ಮೂಲಭೂತವಾದ ಸಮಸ್ಯೆ ಇದೆ. ನನ್ನ ಪ್ರಕಾರ ಆ ಸಮಸ್ಯೆ ಎಂದರೆ ಸಮಾಜವಿಜ್ಞಾನವು ಇಂದಿಗೂ ವಸಾಹತುಶಾಹಿಯ ಮುಂದುವರಿಕೆಯೇ ಆಗಿದೆ. ಹಾಗಾಗಿ ಇಂದಿನ ಜರೂರು ಸಮಾಜವಿಜ್ಞಾನಗಳ ನಿರ್ವಹಸಾಹತೀಕರಣ. ನಿರ್ವವಸಾಹತೀಕರಣ ಮಾಡುವ ಮೊದಲು ಇಂದಿನ ಸಮಾಜವಿಜ್ಞಾನದಲ್ಲಿರುವ ಸಮಸ್ಯೆಗಳನ್ನು ಸರಿಯಾಗಿ ಅರ್ಥಮಾಡಿಕೊಳ್ಳಬೇಕಿದೆ ಎಂದರು.

ಇದುವರೆಗಿನ ಸಮಾಜವಿಜ್ಞಾನಗಳ ಚಿತ್ರಣಗಳು ವಿವರಿಸುವುದನ್ನು ಅವಲೋಕಿಸಿದರೆ, ಪಾಶ್ಚಾತ್ಯ ರಾಷ್ಟ್ರಗಳು

ಮಾನವಕುಲಕ್ಕೆ ಶಿಕ್ಷಣ, ವಿಜ್ಞಾನ-ತಂತ್ರಜ್ಞಾನವನ್ನು, ಕೈಗಾರೀಕರಣ, ಪ್ರಜಾಪ್ರಭುತ್ವ, ಸಮಾಜವಾದ, ಸಮತಾವಾದ ಹೀಗೆ ಅನೇಕ ಸಿದ್ಧಾಂತಗಳನ್ನ, ಹಲವಾರು ಕೊಡುಗೆಗಳನ್ನು ನೀಡಿವೆ. ಅದೇ ಭಾರತವು ಬುದ್ಧ, ಬಸವ, ಗಾಂಧಿ, ಸೊನ್ನೆ ಹೀಗೆ ಬೆರಳೆಣಿಕೆಯಷ್ಟು ಕೊಡುಗೆಗಳನ್ನು ಬಿಟ್ಟರೆ ಅನಾಗರೀಕತೆ, ಅನೈತಿಕರು, ಜಾತಿವ್ಯವಸ್ಥೆ, ಅನ್ಯಾಯ, ಶೋಷಣೆ ಅಸಮಾನತೆಗಳನ್ನು ಪೋಷಿಸುತ್ತಾ ಬಂದಿದೆ. ಹಾಗಾಗಿ ಭಾರತೀಯರೆಲ್ಲರೂ ಹಲವಾರು ಶತಮಾನಗಳಿಂದ ಕೇವಲ ಅನ್ಯಾಯಗಳಲನ್ನೇ ಮಾಡುತ್ತಿದ್ದಾರೆಂದು ನಿರ್ಧರಿಸಬಹುದೇ? ಹಾಗೆ ನಿರ್ಧರಿಸಲು ಸಾಧ್ಯವಿಲ್ಲ. ಏಕೆಂದರೆ, ಒಂದು ಸಂಸ್ಕೃತಿ ಕೇವಲ ಅನ್ಯಾಯ ಮಾಡಿಕೊಂಡೇ ಬಂದಿದ್ದೇ ಆದರೆ ಅದು ಶತಮಾನಗಳವರೆಗೆ ಉಳಿದಿಕೊಂಡು ಬರಲು ಸಾಧ್ಯವೂ ಇಲ್ಲ. ಆದರೆ ನಮ್ಮ ಸಂಸ್ಕೃತಿ ಅಷ್ಟು ಕಾಲದಿಂದ ಉಳಿದುಕೊಂಡು ಬಂದಿದೆ ಎಂದರೆ ಸಮಾಜವಿಜ್ಞಾನವು ನಮ್ಮ ಕುರಿತು ನೀಡಿರುವ ಚಿತ್ರಣದಲ್ಲಿ ಏನೋ ದೋಷವಿರಬೇಕು.

ಸಮಾಜವಿಜ್ಞಾನಗಳ ಈ ಚಿತ್ರಣವು ಭಾರತೀಯರ ಕುರಿತ ನಿಜಗಳಾಗಿರದೆ ಅವೆಲ್ಲವೂ ಪಾಶ್ಚಿಮಾತ್ಯರ ಅನುಭವಗಳ ಚಿತ್ರಣವಾಗಿವೆ. ಇಂದಿಗೂ ಸಹ ಅಂತವೇ ಚಿತ್ರಣಗಳು ಒಂದಲ್ಲ ಒಂದು ರೂಪದಲ್ಲಿ ಮುಂದುವರೆದುಕೊಂಡು ಬರುತ್ತಿವೆ. ಭ್ರಷ್ಟಾಚಾರ, ಮೀಸಲಾತಿಯ ಕುರಿತ ಬಹುತೇಕ ವಾದ ವಿವಾದಗಳು ಇಂತಹುದೇ ಚಿತ್ರಣಗಳನ್ನು ಒಪ್ಪಿಕೊಂಡು ಬೆಳೆದಂತವುಗಳಾಗಿವೆ. ಅವುಗಳನ್ನು ಅರ್ಥಮಾಡಿಕೊಳ್ಳಬೇಕಾದರೆ ನಮ್ಮ ಸಮಾಜವನ್ನು ವೈಜ್ಞಾನಿಕವಾಗಿ ಅಧ್ಯಯನ ಮಾಡುವ ಅಗತ್ಯವಿದೆ. ನಮ್ಮ ಸಂಶೋಧನೆಯು ಅಂತಹ ಒಂದು ಪ್ರಯತ್ನವಾಗಿದೆ.

ಎರಡನೇ ಗೋಷ್ಠಿ:

ಕುವೆಂಪು ವಿ.ವಿ.ಯ ಪ್ರೊ.ಜೆ.ಎಸ್. ಸದಾನಂದರವರು ಭಾರತದಲ್ಲಿ ಸಮಾಜ ವಿಜ್ಞಾನಗಳ ಸ್ಥಿತಿಯ ಕುರಿತು ವಾದ ಮಂಡಿಸಿ ಪ್ರಸ್ತುತ ಸಮಾಜವಿಜ್ಞಾನಗಳಲ್ಲಿರುವ ಸಮಸ್ಯೆಗಳನ್ನು ಹಾಗೂ ಅವುಗಳ ಮೂಲಕ ನಮ್ಮ ಅನುಭವವನ್ನು ಅರ್ಥಮಾಡಿಕೊಳ್ಳುವಲ್ಲಿ ಆಗುತ್ತಿರುವ ತೊಂದರೆಗಳನ್ನು ವಿವರಿಸಿದರು. ಅಂತಹ ತೊಂದರೆಗೆ ಪ್ರಮುಖವಾಗಿ ನಮ್ಮಲ್ಲಿರುವ ಪ್ರಮುಖ ಸಮಾಜವಿಜ್ಞಾನಗಳ ಸಿದ್ಧಾಂತಗಳು ಪಾಶ್ಚಾತ್ಯ ಸಂಸ್ಕೃತಿಯ ಅನುಭವದ ಹಿನ್ನೆಲೆಯಿಂದ ಬಂದಿದ್ದು, ಅವುಗಳ ಮೂಲಕ ನಮ್ಮ ಸಮಾಜಗಳನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದರು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಬಹುತೇಕ ವಿದ್ವಾಂಸರು ಬದಲಿ ಮಾರ್ಗಯಾವುದು ಎಂಬುದು ಎಂಬ ಪ್ರಶ್ನೆಯನ್ನು ಎತ್ತಿದರು. ಆದರೆ ಸದ್ಯಕ್ಕೆ ಬದಲಿಮಾರ್ಗವನ್ನು ಹುಡುಕುವ ಬದಲು ಅದರಲ್ಲಿರುವ ಸಮಸ್ಯೆಗಳನ್ನು ಮೊದಲು ಅರ್ಥಮಾಡಿಕೊಳ್ಳುವುದು ಅಗತ್ಯ ಎಂಬುದು ಸದಾನಂದ ರವರ ಮರುಪ್ರತಿಕ್ರಿಯೆಯಾಗಿತ್ತು.

ಮೂರನೇ ಗೋಷ್ಠಿ:

ಬೆಂಗಳೂರು ವಿಶ್ವವಿದ್ಯಾನಿಲಯದ ನಿವೃತ್ತ ಪ್ರಾದ್ಯಾಪಕರಾದ ಪ್ರೊ. ಜಿ.ಶಿವರಾಮಕೃಷ್ಟನ್ ಭಾರತೀಯ ಸಮಾಜವಿಜ್ಞಾನದ ನಿರ್ಮಾಣದ ಕುರಿತು ವಾದ ಮಂಡಿಸಿ ಸಮಾಜವಿಜ್ಞಾನಗಳು ಪಶ್ಚಿಮದಲ್ಲಿ ಹುಟ್ಟಿದ್ದು, ಅದರಿಂದ ಹೊರಬಂದು ಇತರ ಸಂಸ್ಕೃತಿಗಳನ್ನು ಅರ್ಥಮಾಡಿಕೊಳ್ಳಬೇಕೆಂಬ ವಾದ ಒಂದೆಡೆ ಇದ್ದರೆ, ಭಾರತದ ಕುರಿತ ತಿಳುವಳಿಕೆಗೆ ಭಾರತದ್ದೇ ಆದ ಸಮಾಜವಿಜ್ಞಾನ ಬೇಕು ಎನ್ನುವ ವಾದ ಮತ್ತೊಂದೆಡೆ. ಸಾವಿರಾರು ವರ್ಷಗಳಿಂದ ಸಮಾಜವಿಜ್ಞಾನವೇ ತಿಳಿಯದ ಭಾರತೀಯರಿಗೆ ಇಂದು ಅದರ ಅಗತ್ಯವಿದೆಯೇ ಹಾಗೂ ನಿಜವಾಗಿಯೂ ಸಮಾಜವಿಜ್ಞಾನಗಳ ನಿರ್ವಸಾಹತೀಕರಣ ಎಂದರೇನು? ಎಂಬಂತಹ ಪ್ರಶ್ನೆಗಳನ್ನು ಚರ್ಚೆಗೆ ಇಟ್ಟರು. ಇದಕ್ಕೆ ಪ್ರತಿಕ್ರಿಯಿಸಿದ ಬಹುತೇಕ ಚಿಂತಕರು, ಸಮಾಜವಿಜ್ಞಾನವು ಮಾನವ ಸಮುದಾಯ ಜೀವನದ ಅನುಭವುದ ಕುರಿತ ವಿಶ್ಲೇಷಣೆ ಮಾಡಲು ಸದ್ಯದಲ್ಲಿ ಲಭ್ಯವಿರುವ ಉತ್ತಮ ಜ್ಞಾನಮಾರ್ಗ. ಇದರಲ್ಲಿ ಸದ್ಯದಲ್ಲಿರುವ ಸಮಸ್ಯೆ ಪಶ್ಚಿಮದ ವಿವರಣೆಗಳೇ ವೈಜ್ಞಾನಿಕ ವಿವರಣೆ ಎಂದು ಒಪ್ಪಿಕೊಂಡಿರುವುದೇ ವಿನಃ ವಿಜ್ಞಾನವೇ ಸಮಸ್ಯೆಗೆ ಕಾರಣವಲ್ಲ. ಮಾನವ ಸಮಾಜವನ್ನು ವಿವರಿಸಿ ಅರ್ಥಮಾಡಿಕೊಳ್ಳುವುದು ಉತ್ತಮ ಜ್ಞಾನಮಾರ್ಗವೆಂದು ಭಾವಿಸಿದರೆ ಸಮಾಜವಿಜ್ಞಾನ ನಮ್ಮ ಮುಂದಿರುವ ಉತ್ತಮ ಮಾರ್ಗವೆಂಬ ಅಭಿಪ್ರಾಯಪಟ್ಟರು.

ಎರಡನೇ ದಿನ:

ಮೊದಲನೇ ಗೋಷ್ಠಿಯಲ್ಲಿ ಗೆಂಟ್ ವಿ.ವಿ.ಯ ಜೇಕಬ್ ಡಿ ರೂವರ್ ರವರು ಪಾಶ್ಚಿಮಾತ್ಯ ಸಂಸ್ಕೃತಿಯ ಅಧ್ಯಯನ ಹಾಗೂ ಸೆಕ್ಯುಲರೈಸೇಶನ್: ಹೀದನ್ ಕೊಡುಗೆ ಎಂಬ ವಿಷಯದ ಕುರಿತು ತಮ್ಮ ವಾದವನ್ನು ಮಂಡಿಸಿದರು. ಪಶ್ಚಿಮದ ಥಿಯಾಲಜಿಯ ಪರಿಕಲ್ಪನೆಯು ಸೆಕ್ಯುಲರೀಕೃತಗೊಂಡು ಸಾಮಾನ್ಯಜ್ಞಾನವಾಗಿ ಹರಡುತ್ತಿವೆ. ಥಿಯಾಲಜಿಯ ಚೌಕಟ್ಟಿನೊಡಳಗೆ ಇವು ಅರ್ಥವಾಗುತ್ತವೆ, ಆದರೆ ಥಿಯಾಲಜಿಯ ಚೌಕಟ್ಟು ಇಲ್ಲದ ಸಂಸ್ಕೃತಿಗಳಿಗೆ ಹರಡಿದಾಗ ಅರ್ಥರಹಿತವಾಗುವುದಲ್ಲದೆ ಅನರ್ಥದ ಸೃಷ್ಟಿಗೂ ಕಾರಣವಾಗುತ್ತವೆ. ಕ್ರಿಶ್ಚಿಯನ್ ಥಿಯಾಲಜಿಯ ಪರಿಕಲ್ಪನೆಗಳು ಈ ರೀತಿಯಲ್ಲಿ ಸೇಕ್ಯಲರೀಕೃತಗೊಂಡು ಸಮಾಜ ವಿಜ್ಞಾನ ಹಾಗೂ ಭಾರತೀಯ ಸಾಮಾನ್ಯಜ್ಞಾನದಲ್ಲಿಯೂ ಸೇರಿಕೊಂಡಿವೆ. ಹಾಗೂ ಸಮಾನತೆ, ಸ್ವಾತಂತ್ರ್ಯ ಮುಂತಾದ ಥಿಯಾಲಜಿಯ ಪರಿಕಲ್ಪನೆಗಳು ಸಾಮಾನ್ಯಜ್ಞಾನವಾಗಿವೆ. ಈ ಪರಿಕಲ್ಪನೆಗಳಿಗೆ ಇರಬೇಕಾದ ಥಿಯಾಲಜಿಯ ಹಿನ್ನೆಲೆ ಈ ಸಂಸ್ಕೃತಿಗಳಲ್ಲಿ ಇಲ್ಲದಿರುವುದರಿಂದ ಇವು ಹಕ್ಕುಗಳಿಲ್ಲದ, ಅಸಮಾನತೆಯ, ಹಾಗೂ ನಿರ್ಬಂಧಿತ ಸಮಾಜಗಳಾಗಿ ವಿವರಿಸಲ್ಪಡುತ್ತವೆ ಹಾಗೂ ಇವುಗಳು ತಮ್ಮ ಮೂಲಅರ್ಥವನ್ನು ಕಳೆದುಕೊಂಡು ಈ ಸಂಸ್ಕೃತಿಗಳ ಕುರಿತು ಮಾತನಾಡಲು ಈ ಪರಿಕಲ್ಪನೆಗಳನ್ನು ಬಳಸಿದಾಗ ಅವುಗಳೂ ಅರ್ಥವಾಗದೆ ಜೊತೆಗೆ ಅಲ್ಲಿನ ಸಾಮಾಜಿಕ ವಾಸ್ತವವೂ ಅರ್ಥವಾಗದೆ ಅನಗತ್ಯ ಸಮಸ್ಯೆಗಳನ್ನು ಸೃಷ್ಟಿಸಿಕೊಂಡು ಪರಿಹಾರಗಳನ್ನು ಹುಡುಕಿ ನೀಡುತ್ತಾರೆ. ಇದರ ಪರಿಣಾಮವಾಗಿ ಪ್ರಸ್ತುತದಲ್ಲಿರುವ ಸಮಸ್ಯೆಗಳೂ ಅರ್ಥವಾಗುವುದಿಲ್ಲ ಜೊತೆಗೆ ಹೊಸ ಸಮಸ್ಯೆಗಳೂ ಹುಟ್ಟಿಕೊಳ್ಳುತ್ತವೆ.

ಎರಡನೇ ಗೋಷ್ಠಿಯಲ್ಲಿ ಬೆಂಗಳೂರಿನ ಪ್ರೊ.ವಿವೇಕಧಾರೇಶ್ವರ ರವರು ಹೀದನ್ ಆಗಿ ವಿಜ್ಞಾನವನ್ನು ಮಾಡುವ ಹಾಗೂ ಅನುಭವದ ಮೇಲೆ ಬೆಳಕು ಚೆಲ್ಲುವುದರ ಸಮಸ್ಯೆ/ಕಷ್ಟ ಎಂಬ ವಿಷಯದ ಕುರಿತು ವಾದವನ್ನು ಮಂಡಿಸಿದರು. ಕಾರ್ಲ್ ಮಾರ್ಕ್ಸ್ ಅವರ ಕೆಲವು ಒಳನೋಟಗಳು ಬಾಲಗಂಗಾಧರರವರ ಹೀದನ್ ಪುಸ್ತಕವನ್ನು ಇಟ್ಟುಕೊಂಡರೆ ಅರ್ಥವಾಗುತ್ತವೆ. ಒಬ್ಬ ಹೀದನ್ ಆಗಿ ತನ್ನ ಅನುಭವವವನ್ನು ಹೇಗೆ ಅರ್ಥಮಾಡಿಕೊಳ್ಳಬೇಕೆಂಬುದರಲ್ಲಿರುವ ಹಲವಾರು ಸಮಸ್ಯೆಗಳನ್ನು ಹಾಗೂ ಅದರಿಂದ ಹೊರಬರಲು ಇರುವ ಮಾರ್ಗಗಳನ್ನು ಚರ್ಚಿಸಿದರು.

ಮೂರನೇ ಗೋಷ್ಠಿಯಲ್ಲಿ ಕುವೆಂಪು ವಿ.ವಿಯ ಡಾ.ಡಂಕಿನ್ ಜಳಕಿಯವರು ಜಾತಿ ಅಧ್ಯಯನಗಳಿಗೆ ಹೊಸ ಆಯಾಮಗಳು: ಬಾಲಗಂಗಾಧರರ ಹೀದನ್ನ ಕೊಡುಗೆ: ಎಂಬ ವಿಷಯದ ಕುರಿತು ತಮ್ಮ ವಾದವನ್ನು ಮಂಡಿಸಿದರು. ಭಾರತದಲ್ಲಿ ಜಾತಿಗಳಿದ್ದು, ಜಾತಿವ್ಯವಸ್ಥೆ ಎಂಬ ವಿದ್ಯಮಾನವಿಲ್ಲ. ಬಾಲಗಂಗಾಧರರವರು ವಾದಿಸುವಂತೆ ಹಿಂದೂಯಿಸಂ ರಿಲಿಜನ್ ಅಲ್ಲ ಜೊತೆಗೆ ಅಂತಹ ವಿದ್ಯಮಾನವೇ ಅಸ್ತಿತ್ವದಲ್ಲಿಲ್ಲವಾದರೆ, ಅದರ ಬೇರೆ ಬೇರೆ ಇಂಗಿತಾರ್ಥಗಳನ್ನು ನಾವು ಅರ್ಥಮಾಡಿಕೊಳ್ಳಬೇಕು ಎಂದರು. ಅವುಗಳಲ್ಲಿ ಪ್ರಮುಖವಾದವು ಎಂದರೆ ಹಿಂದೂಯಿಸಂನ ಇರದಿದ್ದರೆ ಜಾತಿವ್ಯವಸ್ಥೆ, ಪ್ರೀಸ್ಟ್ ಹುಡ್, ಬುದ್ದಿಸಂ, ಜೈನಿಸಂ ಮುಂತಾದ ಪರಿಕಲ್ಪನೆಗಳ ಕುರಿತು ಮರುಚಿಂತನೆ ಹಾಗೂ ಹೊಸರೀತಿಯ ಅಧ್ಯಯನ ಮಾಡುವ ಅಗತ್ಯವಿದೆ ಎಂಬುದಾಗಿ ಹೇಳಿದರು. ಜಾತಿವ್ಯವಸ್ಥೆ ಹಾಗೂ ಹಿಂದೂಯಿಸಂ ಎಂಬ ಪರಿಕಲ್ಪನೆಗಳನ್ನು ನಾವು ಇಟ್ಟುಕೊಂಡಿರುವುದರಿಂದ ನಮ್ಮ ಹಲವಾರು ಸಮಸ್ಯೆಗಳನ್ನು ಪರಿಹರಿಸಕೊಳ್ಳಲು ನಮಗೆ ಸಾಧ್ಯವಾಗುತ್ತಿಲ್ಲ, ಆದ್ದರಿಂದ ಅವುಗಳ ಕುರಿತು ಮರುಚಿಂತನೆ ನಡೆಸಬೇಕಾಗಿದೆ, ಹಾಗೆ ಮರುಚಿಂತನೆ ನಡೆಸಲು ಬಾಲಗಂಗಾಧರರ ಸ್ಮೃತಿ ವಿಸ್ಮೃತಿ.. ಪುಸ್ತಕವು ಮೊದಲ ಹೆಜ್ಜೆಯನ್ನು ಇಟ್ಟಿದೆ.ಸಮ್ಮೇಳನದ ಕೊನೆಯಲ್ಲಿ ಸಮ್ಮೇಳನದ ಯಶಸ್ವಿಗೆ ಕಾರಣರಾದ ಎಲ್ಲರಿಗು ಸಂದೀಪ್ ಕುಮಾರ್ ಶೆಟ್ಟಿ ಧನ್ಯವಾದಗಳನ್ನು ಅರ್ಪಿಸಿದರು.

 

Images

Advertisements
  1. No comments yet.
  1. No trackbacks yet.

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: